Се обезбедува помош во вршење основни и инструментални активности од секојдневниот живот до 80 часа месечно, за лица со намален функционален капацитет кои не можат сами да се грижат за себе, со цел да се оспособи корисникот за самопомош, односно да ја врати, стекне или одржи способноста самиот да се грижи за себе, за да продолжи да живее во сопствениот дом и да води независен живот во заедницата

Корисници на услугата помош и нега во домот се лица со најтешка попреченост, односно комбинирана попреченост со највисок степен, потполно слепи лица, стари лица со навршени 65 години живот и други лица со намален функционален капацитет кои не можат сами да се грижат за себе.

Во зависност од степенот на намален функционален капацитет на корисникот на остварување на основни и инструментални активности од секојдневниот живот, услугата помош и нега во домот на еден корисник се обезбедува до максимум 80 часа месечно, од кои до 40 часа услугата за основни активности, како што се одржување на лична хигиена, облекување, мобилност во домот, хранење, користење тоалет, менување пелени и подлоги во случај на контингенција, и до 40 часа за инструментални активности – поддршка при чистење, посредување на поправки, перење, готвење, купување продукти, надворешна мобилност, земање медицинска терапија.